Madridning “Real” klubi markaziy himoyachisi Antonio Ryüdiger Chempionlar ligasida “Benfika”ga qarshi javob uchrashuvida start tarkibida maydonga tushadi. Bu haqda euro-football.ru xabar beradi.
“Qirollik klubi” pley-off bosqichi doirasidagi javob bahsini o'z maydonida qabul qiladi. Uchrashuv chorshanba kuni bo'lib o'tadi. “Gazeta.Ru” Diario AS manbasiga tayangan holda xabar berishicha, Alvaro Arbeloa boshchiligidagi murabbiylar shtabi La Ligada “Osasuna”ga qarshi o'yinda (1:2) zaxirada qolgan Ryüdigerni bu safar ilk daqiqalardan tushirishni rejalashtirmoqda.
“Real” 32 yoshli futbolchining salomatligini asrashni istayapti: u to'liq tiklanib olmaguncha, klub Ryüdigerni haftasiga ikki marta o'ynatib, ortiqcha tavakkal qilmoqchi emas.
Eslatib o'tamiz, ilk uchrashuvda Arbeloa jamoasi Lissabonda “Benfika”ni 1:0 hisobida mag'lub etgan edi.
“Zamin”ni Telegramʻda oʻqing!
