«Manchester Yunayted» himoyachisi Lissandro Martines «Everton»ga qarshi o‘yinni o‘tkazib yuboradi. The Athletic xabariga ko‘ra, unda boldir mushagi jarohati borasida shubha paydo bo‘lgan. Bu haqda euro-football.ru xabar beradi.
Faoliyati davomida «MYU»da turli jarohatlar bilan kurashib kelgan Martines noyabrda maydonga qaytgan edi. U chap tizzasidagi oldingi xochsimon bog‘lam shikastidan keyin to‘qqiz oy tiklanish jarayonini o‘tagan, 28 yoshli futbolchi esa APLdagi so‘nggi 9 uchrashuvning barchasida asosiy tarkibda maydonga tushdi.
Klub ichida hozirgi muammo futbolchini 1–2 haftaga safdan chiqarishi mumkinligi aytilmoqda.
Angliya chempionatining 27-turi doirasidagi «Everton» — «Manchester Yunayted» uchrashuvi 23-fevral kuni soat 01:00 da (Toshkent vaqti bilan) boshlanadi.
“Zamin”ni Telegramʻda oʻqing!
