Adidas va Arsenal klubi 2026-27 yilgi mavsum uchun mo‘ljallangan yangi uy libosini rasman taqdim etdi. Ushbu to‘plam klubning Emirates stadioniga ko‘chib o‘tganiga 20 yil to‘lishi munosabati bilan maxsus dizaynda tayyorlangan bo‘lib, an’anaviy qizil-oq ranglar uyg‘unligini o‘zida aks ettiradi. Bu haqda Goal.com xabar beradi.
Taqdimot kampaniyasida Martin Ødegaard va Alessia Russo kabi yulduzlar ishtirok etib, muxlislar bilan birgalikda stadiondagi unutilmas xotiralarni yodga olishdi. Yangi libos dizaynida stadion arxitekturasi va tom qismining shakllaridan ilhomlanilgan nozik detallar mavjud.
Texnik jihatdan liboslar eng so‘nggi CLIMACOOL+ texnologiyasi bilan jihozlangan bo‘lib, bu o‘yinchilarga yuqori tezlikdagi o‘yinlarda qulaylik va nafas oluvchi mato imkoniyatini taqdim etadi. Mikel Arteta shogirdlari ushbu liboslarda yangi mavsumda yirik sovrinlar uchun kurash olib borishadi.
Arsenal muxlislari yangi to‘plamni klubning rasmiy do‘konlari va Adidas savdo nuqtalaridan xarid qilishlari mumkin. Shuningdek, kelgusi mavsum uchun tayyorlanayotgan safar va uchinchi liboslar dizayni ham retro uslubni sog‘ingan ishqibozlar uchun kutilmagan yangilik bo‘lishi kutilmoqda.
“Zamin”ni Telegramʻda oʻqing!
