Bavariya va Germaniya terma jamoasi afsonasi Miroslav Klose Latsio klubini boshqarishi mumkin. Rim klubi prezidenti Klaudio Lotito Maurizio Sarri bilan xayrlashishga yaqin turibdi, chunki jamoaning joriy mavsumdagi natijalari rahbariyatni qoniqtirmayapti. Bu haqda Goal.com xabar beradi.
Maurizio Sarri va klub rahbariyati o'rtasidagi munosabatlar keskinlashgan. Klaudio Lotito ommaviy chiqishlarida hech kim almashtirib bo'lmas shaxs emasligini ta'kidlab, murabbiyning 2028-yilgacha mo'ljallangan shartnomasi uni iste'fodan saqlab qolmasligi mumkinligiga ishora qildi.
La Gazzetta dello Sport xabariga ko'ra, Miroslav Klose klubdagi inqirozni bartaraf etish uchun asosiy nomzod sifatida ko'rilmoqda. U o'zining murabbiylik faoliyatida Nyurnberg jamoasini qiyin vaziyatdan olib chiqib, turnir jadvalining o'rtalariga ko'tarishga muvaffaq bo'ldi.
Miroslav Klose taktik jihatdan moslashuvchan murabbiy sifatida tanilgan. U turli sxemalardan, jumladan 4-3-1-2 va 3-5-2 tizimlaridan samarali foydalanadi. Shuningdek, uning yosh futbolchilarni rivojlantirishdagi tajribasi Latsio prezidenti Klaudio Lotito uchun eng muhim omillardan biri hisoblanadi.
“Zamin”ni Telegramʻda oʻqing!
