Бавария ва Германия терма жамоаси афсонаси Мирослав Клосе Лацио клубини бошқариши мумкин. Рим клуби президенти Клаудио Лотито Мауризио Сарри билан хайрлашишга яқин турибди, чунки жамоанинг жорий мавсумдаги натижалари раҳбариятни қониқтирмаяпти. Бу ҳақда Goal.com хабар беради.
Мауризио Сарри ва клуб раҳбарияти ўртасидаги муносабатлар кескинлашган. Клаудио Лотито оммавий чиқишларида ҳеч ким алмаштириб бўлмас шахс эмаслигини таъкидлаб, мураббийнинг 2028-йилгача мўлжалланган шартномаси уни истеъфодан сақлаб қолмаслиги мумкинлигига ишора қилди.
Ла Gazzetta делло Sport хабарига кўра, Мирослав Клосе клубдаги инқирозни бартараф этиш учун асосий номзод сифатида кўрилмоқда. У ўзининг мураббийлик фаолиятида Нюрнберг жамоасини қийин вазиятдан олиб чиқиб, турнир жадвалининг ўрталарига кўтаришга муваффақ бўлди.
Мирослав Клосе тактик жиҳатдан мослашувчан мураббий сифатида танилган. У турли схемалардан, жумладан 4-3-1-2 ва 3-5-2 тизимларидан самарали фойдаланади. Шунингдек, унинг ёш футболчиларни ривожлантиришдаги тажрибаси Лацио президенти Клаудио Лотито учун энг муҳим омиллардан бири ҳисобланади.
“Zamin”ни Telegram'да ўқинг!
