11:00 / 19.12.2020
969

Ronald Kuman taqvim haqida: «Biz futbolchilarni o‘ldiryapmiz»

Ronald Kuman taqvim haqida: «Biz futbolchilarni o‘ldiryapmiz»
Foto: Twitter
«Barselona» bosh murabbiyi Ronald Kuman yana bir bor tig‘iz taqvimni tanqid ostiga oldi.
- "Hali ham bizning taqvimni aql bovar qilmas deb hisoblayman. Agar Superkubok yarim finalida g‘alaba qozonadigan bo‘lsak, u holda yana bitta o‘yin o‘tkazishimizga to‘g‘ri keladi. Safardagi o‘yinlar juda ko‘payib ketdi.

Biz o‘yinchilarni o‘ldiryapmiz. Menga o‘yindan o‘yinga rivojlanib borish yoqadi, biroq bu yerda parvozlar haqida ham o‘ylash zarur, biz o‘yinlardan juda kech qaytyapmiz... Bu masalani muhokama qilish va mana shunday tig‘iz taqvim vaqtida qanday chora ko‘rish haqida o‘ylashimiz kerak
", - Ronald Kuman.

Katalon klubi 19 dekabr kuni La Liga doirasida «Valensiya»ga qarshi bahs yuritadi. «Kamp Nou»dagi bahs Toshkent vaqti bilan 20:15 da boshlanadi.

Eslatib o‘tamiz, jamoa Ispaniya Superkubogi yarim finali doirasida 13 yanvar kuni «Real Sosedad»ga qarshi bahs olib boradi. Agar Kuman shogirdlari undan muvaffaqiyatli o‘ta olsa, 17 yanvar kuni final uchrashuvida ishtirok etadi.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)