1 920
Luisma Ernandes: "Kubok finalida qog‘ozda "Paxtakor" favorit, lekin "Nasaf" jang taklif qiladi"
Superliganing 26-turidan o‘rin olgan "Qizilqum" - "Metallurg" (2:3) uchrashuvidan keyin mehmonlar bosh murabbiyi Luisma Ernandes matbuot anjumanida ishtirok etdi.
- O‘yin haqida
- Jamoamizni ko‘proq ruhiy tarafdan tayyorlash lozim edi. Oxirgi turda hammasi o‘zimizga bog‘liq ekanligini tushuntirdik. Jarohatlanganlar ko‘pligiga qaramasdan, mavjud futbolchilar borlarini berib harakat qilishdi. Ruhiy tayyorgarligimiz yaxshiligi hisobiga g‘alaba qozondik.
- Uchrashuvga tayyorgarlik jarayonida ko‘proq nimalarga ahamiyat berilgan?
- Bu jamoani juda qiyin holatda qabul qilib oldim, lekin shunga qaramasdan, yigitlar bilan astoydil mehnat qildik. Asosiy e’tiborni o‘z jamoamiz o‘yiniga qaratdik va jipslashgan holda harakat qildik.
- O‘yinni kuzatish davomida butun-diqqat e’tiboringiz shu o‘yinga qaratilganmidi yoki "Surxon" – "Mash’al" bahsi haqida o‘yladingizmi?
- To‘g‘risini aytsam, u o‘yinga umuman e’tibor bermadim. Diqqat-e’tiborimizni faqat o‘zimizning o‘yinimizga qaratdik, buni yigitlarga ham aytgandim.
- O‘zbekiston kubogi yarim final uchrashuvlarini kuzatib bordingizmi?
- Ha
- Kubok finali favoriti qaysi jamoa deb o‘ylaysiz?
- Qiziq o‘yin bo‘ladi. Mavsumning yakuniy o‘yin bo‘lgani uchun ikki jamoa ham borini berib harakatlanadi. Qog‘ozda "Paxtakor" – favorit, lekin "Nasaf" jang taklif qiladi.
- Ispaniya va O‘zbekiston futbolida o‘xshash jihatlar bormi?
- Hozircha haqiqiy ispan futboli qanaqa bo‘lishi muxlislarga ko‘rsatganimiz yo‘q. Umid qilamanki, keyinchalik ispan futboli qanday bo‘lishini "Metallurg" bilan namoyish qilamiz. Albatta, o‘xshash jihatlar bor. Biroq hozir bizda natija muhimligi uchun shunga mos uslubdan foydalandik.
Futbol o‘ziga ishongan va jasur insonlar uchun. Fursatdan foydalanib, "Metallurg" rahbariyatiga, muxlislariga va jamoa xodimlariga o‘z minnatdorchiligimni bildiraman.
- "Metallurg"ni Ispaniyadagi qaysi jamoaga qiyoslash mumkin?
- Hozircha "Atletiko Madrid" (kuladi). Chunki asosiy urg‘u natijaga qaratilgan va shunga mos uslubda o‘ynayapmiz. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Germaniyada maktab o‘quvchilari ommaviy ravishda islom dinini qabul qilmoqda
Lukashenko G‘arbga tahdid bilan chiqdi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Sariqmi yoki yashil: qaysi turdagi banan foydaliroq?
AQSHning G‘azodagi siyosatidan norozi Davlat departamenti rasmiysi iste’foga chiqdi
Zoir Mirzayev “Telefonsiz maktab”ga 300 mln so‘m mukofot berdi
Ortiqcha vaznli insonlar uchun sog‘lom ovqatlanishning beshta muhim qoidasi
Toshkentda 02 kodli avtoraqamlar taxminan qachon paydo bo‘lishi aytildi