Avtomobil yo'llari sohasiidagi eng katta o'zgarish: Yangi qonun haqida bilishingiz kerak bo'lgan barcha narsalar
O'zbekistondagi avtomobil yo'llarida sun'iy to'siqlar va notekisliklar yaratish yangi qonunga ko'ra taqiqlanadi. 7 aprel kuni Senatning yalpi majlisida muhokama qilingan "Avtomobil yo'llari to'g'risidagi" yangi qonun harakati xavfsizligiga katta e'tibor qaratmoqda. Qonunning maqsadi – yo'llardagi xato va to'siqlarni bartaraf etish, avariyalar sonini kamaytirish va inson hayotini himoya qilishdir.
Qonunga ko'ra, yirik va og'ir vaznli transport vositalari faqat maxsus ruxsatnoma asosida harakatlanadi. Shu bilan birga, yo'llar loyihasida insonlar va atrof-muhitga ta'sirni inobatga olish, piyodalarga to'siqsiz muhit yaratish talab qilinadi.
Senatdagi muhokamalarda, bu qonunning asosiy prinsiplari aniq belgilab qo'yilgan. Har bir qaror shaffof va ilmiy asoslarga tayangan holda qabul qilinadi, yo'l harakati xavfsizligi ta'minlanadi, tabiatga zarar yetkazmasligiga ham alohida e'tibor qaratilmoqda.
Qozog'iston, Koreya, Xitoy, Fransiya va Italiyaning tajribalari o'rganilgan. Shavkat Mirziyoyev bu qonunni zamon talablariga muvofiq bo'lishini ta'kidlagan, chunki amalga oshiriladigan loyihalar hamda yo'llarni loyihalashtirishda aholi fikriga katta ahamiyat berilmoqda.
Yo'l xo'jaligidagi yangi islohotlar, jumladan, yo'llar uchun maxsus organlar faoliyati va davlat siyosatining yagona tizim asosida amalga oshirilishi qonunda ko'rsatilgan.
Bu qonun yo'llar tarmog'ini rivojlantirish, yuk tashish ishlarini qulaylashtirish va jamoat xavfsizligini ta'minlash uchun muhim qadam bo'lib, kelajakda o'sish va rivojlanishga katta hissa qo'shadi.
“Zamin”ni Telegramʻda oʻqing!
