Ўзбекистон бош вазири ўринбосари Рустам Азимов Жанубий Корея молия вазири билан учрашди » Ўзбекистон янгиликлари – Zamin.uz

Ўзбекистон бош вазири ўринбосари Рустам Азимов Жанубий Корея молия вазири билан учрашди

Узбекистон 21-12-2016, 13:53 772
Ўзбекистон бош вазири ўринбосари Рустам Азимов Жанубий Корея молия вазири билан учрашди

Сеулда Ўзбекистон бош вазири ўринбосари Рустам Азимов ва Жанубий Корея молия вазири Ю Иль Хонинг учрашуви бўлиб ўтди. Унда томонлар икки мамлакат ўртасидаги иқтисодий ҳамкорликни кенгайтиришга келишиб олишди, деб ёзмоқда Kun.uz сайти.

«Ўзбекистон ва Корея энергетика, хом-ашё соҳасидаги ўзаро алоқаларни кучайтиради, шунингдек саноат бўйича шерикликни мустаҳкамлайди», - дея айтиб ўтди Ю Иль Хо.

Бундан ташқари, томонлар Жанубий Корея компанияларининг Тошкентдаги лойиҳаларда иштирокини кенгайтириш юзасидан ҳам фикр алмашганлар. Улар орасида аэропортнинг янги терминали қурилиши ҳам бор. Сеул бу лойиҳаларни давлат жамғармаларидан қўллаб-қувватлайди, деб таъкидлаб ўтган кореялик вазир.

Корея томони маълумотларига кўра, 2015 йилда ўзаро савдо ҳажми 1,3 миллиард долларни ташкил этди.


Zamin.uz нинг Telegram’даги расмий каналига обуна бўлиб, янгиликлардан хабардор бўлинг.