Турк дунёси умумий алифбо комиссиясининг иккинчи йиғилиши Озарбойжон пойтахти Бокуда бўлиб ўтди. Бу ҳақда Anadolu хабар берди.
Халқаро Туркий Академия раҳбари, профессор Шаҳин Мустафоев раислигида ўтказилган йиғилишда Озарбойжон Миллий Фанлар Академияси президенти Исо Ҳабиббейли, Озарбойжондаги Отатурк маркази раҳбари Низомий Жафаров, шунингдек, Туркия, Қозоғистон, Қирғизистон, Ўзбекистон ва Туркия олимлари иштирок этди.
Йиғилишда умумий алифбо яратиш борасидаги ишлар, шунингдек, туркий тилларнинг умумий алифбоси билан боғлиқ чора-тадбирлар режасини белгилаш масаласи муҳокама қилинди. Шунингдек, умумий атамашунослик соҳасидаги тадқиқотлар ҳақида сўз юритилиб, лотин ҳарфларига асосланган умумий алифбога ўтишнинг илмий, маданий ва амалий натижаларига баҳо берилди.
Туркий тилшунослик жамияти раҳбари Усмон Мерт журналистларга Турк дунёси ёзма мулоқотга муҳтожлигини ва бу ташаббуслар доирасида масъулиятли қадамлар ташлаётганини айтди.
Унинг сўзларига кўра, туркий давлатлар умумий алифбога ўтишда жиддий академик ютуқларга эришган, аммо сиёсий қарорлар қабул қилиш учун бироз вақт керак бўлиши мумкин.
Мерт, Совет Иттифоқининг парчаланиши билан мустақилликка эришган туркийзабон давлатлар учун янги саҳифа очилганини қайд этди.
«Ушбу учрашувда юз берган воқеа, аслида, тарихий миссияни амалга оширишдир. Биз ёзма равишда мулоқот қилишга муҳтожмиз ва бунга эришишимиз керак. Туркия, Озарбойжон, Ўзбекистон ва Туркманистон лотин алифбосидан фойдаланмоқда», деди Мерт ва Қозоғистон ва Қирғизистонни ҳам шунга чақирди.
«Қозоғистоннинг лотин алифбосига ўтиши 2025 йилгача амалга ошиши мумкин. 2026 йилда Биринчи Туркология қурултойининг 100 йиллиги нишонланади. Биз умумий алифбо мавзусини 2026 йилда якунлашни кутмоқдамиз. Тарих бизга бу масъулиятни юклаган ва биз қатъийроқ бўлишимиз керак», деб қўшимча қилди у. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Орзудаги уй — қишда иссиқ, ёзда салқин. Бунга қандай эришиш мумкин?
Ўзбекистонлик 17 ёшли қиз дунёнинг етакчи университети олимлари билан тадқиқот олиб бормоқда
Ўзбекистонликлар доимий яшаш учун кўпроқ қайси давлатларга кўчиб кетмоқда?
Мессининг салкам 1 миллион долларга сотилган салфеткаси ҳақида
“Рома” Шомуродов учун яна 8 миллион евро харажат қилади!
Шимолий Корея янги кўрсаткичларга эга баллистик ракетани синовдан ўтказди
Украина президенти маҳбусларни сафарбар қилиш тўғрисидаги қонунни имзолади
Пневматик қуролларни ўз ихтиёри билан топширганлар жавобгарликдан озод этилади
