Адлия вазирлиги Ўзбекистонда олий ўқув юртларида контракт асосида ўқиш учун тўлов тартибини янгилаувчи низомни рўйхатдан ўтказди. Ҳужжатдан олинган асосий бандлар вазирликнинг Telegram-каналида эълон қилинди.
Ҳужжатга кўра, биринчи босқич талабалари контракт суммасининг камида чорак қисмини сентябр ўрталарига қадар тўлаши лозим. Юқори босқич талабалари эса ушбу тўловни октябр бошигача амалга ошириши керак.
Шунингдек, талабалардан контракт суммасининг камида ярмини январ бошига қадар, 75 фоизини 1-мартгача ва тўлиқ суммани 1-майгача тўлаши талаб этилади. Шу билан бирга, давлат комиссияси белгиланган тўлов муддатларини узайтириши мумкин.
Контракт бўйича тушган маблағлар ёш ўқитувчилар ва илмий ходимларнинг малакасини оширишга йўналтирилади. Бундан ташқари, олий ўқув юртлари эҳтиёжманд талабаларга молиявий ёрдам кўрсатиши мумкин.
Бу ёрдам бир талаба учун йилига олти баравар энг кам иш ҳақигача етиши мумкин.
Меҳмон гуруҳидаги фойдаланувчилар ушбу мақолага изоҳ қолдира олмайди.
