Fitch агентлиги прогнозига кўра, келгуси йилда Ўзбекистон банкларидаги муаммоли кредитлар ҳажми умумий кредитлар миқдорининг 9-10 фоизигача етиши мумкин. Экспертлар бу ҳолатни давлат банклари билан боғлиқ хавфларнинг тан олиниши давом этаётгани билан изоҳламоқда.
Шунингдек, кредитлашнинг “сабр муддати” туфайли чакана портфелларнинг қадрсизланиши ҳам ортиши кутилмоқда. Марказий банк ҳисоб-китобларига кўра, ўтган ўн ойда банклардаги муаммоли кредитлар ҳажми 22,4 триллион сўмга етиб, ойлик ўсиш 5,1 фоизни ташкил этган.
Бу ҳажмнинг асосий қисми давлат улуши мавжуд молиявий ташкилотларга (15,8 триллион сўм) тўғри келмоқда, хусусий банкларда эса бу кўрсаткич 6,6 триллион сўмни ташкил қилмоқда. Шунга қарамай, Fitch агентлиги 2024 йилда Ўзбекистон банк сектори барқарор бўлишини кутмоқда.
Таҳлилчиларнинг фикрича, Тошкент банкларни хусусийлаштириш бўйича янада мақсадли дастурлар жорий этади.
Меҳмон гуруҳидаги фойдаланувчилар ушбу мақолага изоҳ қолдира олмайди.
