Қорақалпоғистон Республикасининг Тўрткўл туманида дунёнинг энг ёши улуғ инсони, уч асрнинг гувоҳи – 135 баҳорни қаршилаётган Тўти момо Юсупова истиқомат қилади, деб ёзади ЎзА.
Кўҳна Жайҳун соҳилида жойлашган Тўрткўл овулининг ёшу қариси Тўти момога ўз онасидай юксак ҳурмат-эҳтиром кўрсатади. Бирор хайрли иш бошлашдан олдин, албатта, момонинг дуосини олади.
– Отамни Тожибой, онамни Улжон дегувчи эди, – дейди Тўти момо бир фурсат тин олиб. – Оилада бир ўғил, икки қиз эдик, мен тўнғичи бўлиб, онамнинг дастёри эдим. Отадан эрта ажралганимиз боис, оиланинг оғир ташвиши, болалар тарбияси онамнинг елкасида қолди. У пайтлар қишлоқда экин-тикин билан, фақат егулик озуқа етиштириш билан тирикчилик қилардик.
Замона зайли билан Тўти момо қисматига ҳар икки жаҳон урушининг оғир дамларини кўриш ҳам ёзилган экан.
– Ҳеч қачон меҳнатдан қочмадим. Далада кетмон чопиб, ариқ қазидим, пахта териб, аравада гўнг ташидим. Тинмадим. Ҳаракатда бўлганим учунми, шифокорга ҳеч ишим тушмади, – дейди момо.
– Момомизнинг саломатлиги жуда яхши, – дейди қишлоқ врачлик пункти шифокори Хонсулув Сафарова. – Ҳафтада икки-уч марта қон босимини ўлчаб, ҳолидан хабар олиб турамиз. Юрак уриши ўрта ёш кишиларникидек бир маромда. Кўз тегмасин, бардам-бақувват.
– Ҳалол яшанг. Шукур қилгувчи бўлинг. Ҳаракатда бўлинг. Ҳеч кимни ноҳақ ранжитманг, кўнгил нозик бўлади, – дейди Тўти момо. – Бундай фаровон, обод кунларнинг қадрига етинг, аҳил-иноқ бўлинг, болаларим. Аҳиллик бор жойда барака бўлади. Юртимиздан тинчлик-хотиржамлик, қут-барака ҳеч қачон аримасин.
Манба: www.daryo.uz “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Америкалик олимлар барча учун бирдек фойдали жисмоний фаоллик турини аниқлади
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Германияда мактаб ўқувчилари оммавий равишда ислом динини қабул қилмоқда
Тошкентда 02 кодли авторақамлар тахминан қачон пайдо бўлиши айтилди
Велосипедда сайр қилиш учун 3 сабаб: ёшартиради, оздиради ва умрни узайтиради
Россия дунёдаги биринчи водород ёқилғили автомобилни тақдим этди
Владимир Путин «Крокус»да содир этилган теракт учун ўч олишга чақирди