Xiaomi маҳсулотлар қаторини кенгайтириш учун 100 та компанияга сармоя киритади » Ўзбекистон янгиликлари – Zamin.uz
07-03-2015 | 19:51 ZAMIN.UZ / Бизнес / 07 Март 2015 года
609

Xiaomi маҳсулотлар қаторини кенгайтириш учун 100 та компанияга сармоя киритади

Xiaomi маҳсулотлар қаторини кенгайтириш учун 100 та компанияга сармоя киритади

Дунёдаги энг йирик стартап ҳисобланадиган, смартфон ишлаб чиқарувчи Xiaomi компанияси 100 та ривожланаётган янги компанияларга сармоя киритиш ниятидалигини маълум қилди. Шу тариқа, Xiaomi ўзининг маҳсулотлар қаторини кенгайтирмоқчи, деб хабар берди Bloomberg агентлиги.

Xiaomi 27 та стратапга сармоя киритган ва уларнинг миқдорини қарийб 4 баравар кўпайтиришни режалаштирмоқда, деб маълум қилди компания раҳбари Лэй Цзюнь. Стартаплар билан ҳамкорлик қилиб, Xiaomi “ақлли уйлар” учун мўлжалланган қурилмалар бозорига чиқишни режалаштиряпти, деб қўшимча қилди Цзюнь.

“Биз бошқаларнинг инновацияларини ҳам қўллаб-қувватламоқчимиз”, деб айтди Цзюнь.

Маълумот учун, Xiaomi компанияси 2010 йилда ташкил топганидан бери Хитойда мобиль қурилмалар ва аксессуарлар ишлаб чиқарувчи йирик компаниялардан бирига айланди. Бугунги кунда компания 45 млрд долларга баҳоланмоқда. 2014 йилда Xiaomi Хитойда смартфон сотиш ҳажми бўйича Samsung’ни ортда қолдириб, биринчи ўринга чиқиб олди. 2015 йилда компания Россия ва Бразилия бозорларига чиқишни режалаштирмоқда.

Манба: www.kun.uz

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru