2015 йилнинг илк чорагида дунё бўйича алюмин ишлаб чиқариш ҳажми 5,5 фоизга ўсди » Ўзбекистон янгиликлари – Zamin.uz

2015 йилнинг илк чорагида дунё бўйича алюмин ишлаб чиқариш ҳажми 5,5 фоизга ўсди

2015 йилнинг илк чорагида дунё бўйича алюмин ишлаб чиқариш ҳажми 5,5 фоизга ўсди

2015 йилнинг биринчи чорагида дунё бўйича алюмин ишлаб чиқариш ҳажми 2014 йилдаги шу даврдаги кўрсаткичга (12,877 млн тонна) нисбатан 5,5 фоизга, яъни 13,602 млн тоннагача ўсди. Бундай маълумотлар International Aluminium Institute халқаро ташкилотиннинг материалларида келтирилди, деб ёзади Kun.uz.

Шимолий Америкадаги корхоналар ҳисобот даврида 1,124 млн тонна (3,2 фоиз камайиш), Жанубий Америкадаги корхоналар 327 минг тонна (27 фоизга камайиш) алюмин ишлаб чиқаришган. Ғарбий Европа давлатлари жорий йилнинг 1-чорагида алюмин ишлаб чиқариш ҳажмини 4,8 фоизга, яъни 894 минг тоннагача, Марказий ва Шарқий Европа давлатлари эса 1,5 фоизга, яъни 938 минг тоннагача кўпайтиришган.

Хитой йилнинг бошидан ўтган йилнинг шу даврига нисбатан 9,9 фоизга кўпроқ, яъни 7,205 млн тоннагача, Осиё давлатлари (Хитойдан ташқари) 699 минг тонна (19,5 фоиз ўсиш), Океания давлатлари 485 минг тонна (5,3 фоизга камайиш), Форс кўрфази давлатлари 1,247 тонна (16,1 фоиз ўсиш), Африка давлатлари 413 минг тонна (7,2 фоиз камайиш) алюмин ишлаб чиқаришган.

2014 йилда дунё бўйича алюмин ишлаб чиқариш ҳажми 4,9 фоизга камайиб, 53,057 тоннани ташкил қилган.

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru