Beeline янги ҳалқаро тўлов тизимини ишга туширди » Ўзбекистон янгиликлари – Zamin.uz

Beeline янги ҳалқаро тўлов тизимини ишга туширди

Beeline янги ҳалқаро тўлов тизимини ишга туширди

Beeline ва “ВымпелКом” ОАЖ (Россияда Билайн бренди) “Билайн пули” тўлов тизими доирасида мижозлараро мобил телефон хисобини тўлдириш янги тизими ишга туширилгани ҳақида эълон қилишмоқда.

Энди “Билайн”нинг россиялик мижозлари Beeline O‘zbekiston абонентларо бўлмиш ўз яқинларининг ҳисобларига комиссиясиз пул ўтказа олиш имконига эгадирлар. 100 дан 15 000 рубльгача бўлган миқдордаги маблағни Beeline мижозлари ўзларининг россиялик рақамлари орқали дунёнинг исталган нуқтасидан ўтказишлари мумкин. Бунинг учун “Билайн пули” тўлов тизимининг саҳифасига кириш (“Ҳисобдан тўлаш” бўлими), ёки 7878 рақамига тўлдирилиши зарур бўлган маблағни рубл кўринишида ёзиб SMS юбориш лозим.

Маблағлар Beeline Ўзбекистон долларлик хисобига ўтказилади. Валюта конвертацияси Россия Федерацияси Марказий Банкининг тўлов амалга оширилаётган кунидаги курси бўйича амалга оширилади. Конвертация чоғида қўшимча +2% ечиб олинади. Пул ўтказиш комиссиясиз. “Beeline Ўзбекистон” рақамига пул ўтказган абонент ҳисобидан комиссия ечиб олинмайди.

Воқеани шарҳлар экан, Unitel МЧЖ тижорат директори Максим Ефремов шундай деди: “Мазкур хизмат Beeline сервиси даражасини янада ошириш, шу билан биргаликда мижозларга хизмат кўрсатишни яхшилашга қаратилган. Онлайн-тўловлардан фойдаланишнинг осонлиги ва технологиклиги уларнинг кенг оммабоплиги ва мижозларимиз ишончини таъминлайди, шунинг учун биз бу йўналишда амалга оширилган ҳар бир қадамни қўллаб-қувватлаймиз”.

“Мижозларимиз ўз яқинлари ва дўстлари билан доимо алоқада қолишлари учун яна бир имконият – ўз мобил телефонларидан “Beeline Ўзбекистон” рақамига маблағ ўтказиш имконини яратдик. Биз учун хизматларнинг осонлиги ва қулайлиги муҳим, шунинг учун пул ўтказиш жараёнида комиссия йўқ”, – дейди ОАЖ “ВымпелКом” молиявий дастур ва сервисларни ривожлантирувчи директор Александр Сахаров.

Хизмат ҳақида батафсил маълумот www.beeline.uz ва www.beeline.ru сайтларида.

Бизни Телеграм орқали кузатиб боринг: https://telegram.me/zaminuz

Теглар: Beeline

Рейтинг:
  • Dislike
  • 0
  • Like
Ҳавола:
Рейтинг@Mail.ru