Фото: Bugun.uz
Ботир Қодиров ва Жўраевларга оид суд иши ёпиқ тарзда кўриб чиқилади. Бу ҳақда Kun.uz манбаси хабар бермоқда.
Бугун, 2024 йил 2 май куни Тошкент шаҳри Учтепа туманлараро судида хонанда Ботир Қодировнинг оталикни белгилаш ҳақидаги даъвоси юзасидан навбатдаги суд мажлиси бўлиб ўтган.
Унда судя ака-ука Жўраевлар вакилининг ишни унда иштирок этувчи шахсларнинг ҳаётига тааллуқли бўлган маълумотларнинг ошкор бўлишига йўл қўймаслик учун ёпиқ суд мажлисида кўриб чиқиш ҳақида киритган илтимосномаси қаноатлантирилганини ва Фуқаролик процессуал кодексининг 12-моддасига асосан Ботир Қодировнинг даъвоси бўйича ўтказиладиган суд мажлислари ёпиқ тарзда бўлиб ўтишини маълум қилган.
Тошкент шаҳар судининг Kun.uz'га маълум қилишича, Ботир Қодировнинг даъво аризаси судга 2024 йилнинг 19 март куни келиб тушган. Ишни кўриш 15 апрелга белгиланган. Жавобгар вакили иш билан танишиш учун ишни кўришни бошқа кунга қолдиришни сўрагани сабабли навбатдаги суд мажлиси 23 апрелга қолдирилган.
23 апрел, сешанба кунги суд мажлисида даъвогар вакилининг кўрсатмаси эшитилиб, гувоҳларни ишга жалб этиш ва қўшимча далилларни (фотосуратлар, далолатнома ёзуви ва туғилганлик ҳақидаги гувоҳноманинг асл нусхасини) талаб қилиб олиш учун ишни кўриш 2 майга қолдирилганди.
Даъво аризага Адлия вазирлиги ҳузуридаги Ҳадича Сулаймонова номидаги Республика суд экспертиза маркази мутахассисининг 2023 йил 29 сентябридаги фикри илова қилинган. Иловада Ҳалимжон Нурматов ва Қодиров Ботир Шералиевичнинг амаки-жиян экани бўйича фикр берилган.
Янгийўл тумани ФҲДЁ бўлими томонидан 2008 йил 26 феврал куни фамилиясини “Жўраев”дан “Қодиров”га, отасининг исмини “Шерали ўғли”дан “Шералиевич”га ўзгартиргани ҳақидаги 46- ва 48-сонли иловалар судга тақдим этилган. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Колумбия президенти Нетаньяхуни ҳибсга олишга чақирди
D витамини дозасини ошириб юборишнинг хавфли оқибатлари
Украина ҳарбий бўлинмалари Харкив вилоятидаги янги позицияларга ўтказилди
Пентагон майори АҚШ Исроилни қўллаб-қувватлагани учун истеъфога чиқди
Эрдўғон давлат тўнтариши эҳтимоли сабабли тунда фавқулодда йиғилиш ўтказди
Сурхондарё вилоятида айиқ ИИБ ходимига жароҳат етказди
«Сўнгги қўнғироқ»да битирув кечалари ва бошқа тадбирлар тақиқланди
Россиялик олимлар Сибирда янги динозавр турини кашф қилишди