MTS оператори янги «Смарт Каш» хизмати ишга туширилганини эълон қилди. Ушбу дастур мижозларга ўзлари сотиб олган смартфонларни қайтариб бериш эвазига қурилма қийматининг 70 фоизигача бўлган маблағни тўғридан-тўғри банк картасига олиш имконини беради. Бу ҳақда Ixbt.com хабар беради.
Хизмат MTS салонларидан харид қилинган барча турдаги гаджетларга, жумладан, Apple, Samsung, Xiaomi, Ҳонор ва Huawei каби брендларнинг смартфонлари, планшетлари ҳамда маиший техникаларига нисбатан татбиқ этилади. Дастур нафақат янги, балки эскирган ёки турли шикастланишларга учраган қурилмаларни ҳам қамраб олади.
Мижозлар 6 ёки 12 ойлик муддатни танлашлари мумкин. Бунда харид қилинган кундан бошлаб дастлабки 181 кун ичида қурилма қийматининг 70 фоизигача, 182-кундан бошлаб эса 50 фоизигача бўлган қисми қайтариб берилади. Хизматдан фойдаланиш учун алоқа маркази орқали ариза топшириш кифоя.
MTS тижорат директори Алексей Помозовнинг таъкидлашича, ушбу ечимнинг асосий афзаллиги шундаки, фойдаланувчи янги харид учун чегирма эмас, балки тўғридан-тўғри нақд пул олади. Бу эса хизматни анча универсал ва мижозлар учун қулайроқ қилади.
“Zamin”ни Telegram'да ўқинг!
