Bitcoin (БТК) нархи 82 000 доллар даражасидаги муҳим қаршиликни енгиб ўта олмагани сабабли навбатдаги пасайиш хавфи остида қолмоқда. Таҳлилчиларнинг фикрича, криптовалюта қиймати ҳозирча маълум бир диапазонда ҳаракатланмоқда, бироқ трейдерлар ўртасида келгуси йўналиш бўйича қарама-қарши фикрлар кўпаймоқда. Бу ҳақда Cointelegraph.com хабар беради.
ЖДК Аналйсис таҳлилий ҳисоботига кўра, Bitcoin нархи диапазоннинг юқори чегараси атрофида айланмоқда. Май ойи давомида кузатилган ушбу ҳолат КМE фючерслари бўшлиғи ва 200 кунлик тренд чизиғи билан чекланган. Бозор иштирокчилари эндиликда нарх диапазоннинг қуйи қисмини қайта синовдан ўтказиши мумкинлигини тахмин қилмоқдалар.
КGT Традер ўз таҳлилида нархнинг қўллаб-қувватлаш зонасидаги реакциясини кузатиш муҳимлигини таъкидлади. Мутахассиснинг фикрича, бу сафар Bitcoin ушбу даражадан пастга тушиб кетиш эҳтимоли юқори. БитБулл трейдери эса 82 000 доллар даражасини қайта тиклай олмаган Bitcoin узоқ муддатли босим остида қолиши мумкинлигидан огоҳлантирди.
Шунга қарамай, крипто бозорида ҳали ҳам оптимистик қарашларга эга бўлган трейдерлар мавжуд. Бозор иштирокчилари яқин кунларда нархнинг қайси йўналишда ҳаракатланишини аниқлаш учун техник кўрсаткичларни диққат билан кузатмоқдалар.
“Zamin”ни Telegram'да ўқинг!
