Google компанияси “The Android Show: I/O Edition 2026” тақдимотида сунъий интеллект асосида ишловчи янги авлод ноутбуклари — Googlebook линиясини намойиш этди. Ушбу қурилмалар компания томонидан анъанавий Chromebook'ларнинг кейинги босқичи сифатида тақдим этилмоқда.
Маълум қилинишича, Googlebook’лар Android ва ChromeOS тизимларини бирлаштирган янги платформада ишлайди. Асосий урғу эса Gemini сунъий интеллекти билан чуқур интеграцияга қаратилган.
Қурилманинг эътиборга молик жиҳатларидан бири — Glowbar номли махсус ёруғлик панели бўлиб, у фақат дизайн эмас, балки функционал имкониятларга ҳам эга. Шунингдек, Magic Pointer функцияси фойдаланувчининг ҳаракатларига мос равишда ақлли тавсиялар берувчи курсор сифатида ишлайди.
Googlebook’лар Android смартфонлар билан ҳам узвий боғланиб, иловаларни бевосита ноутбукда ишга тушириш, файлларни тез алмашиш ва қурилмалар ўртасида иш жараёнини уйғунлаштириш имконини беради.
Дастлабки моделлари 2026 йил кузида Acer, ASUS, Dell, HP ва Lenovo ҳамкорлигида бозорга чиқарилиши режалаштирилган.
Мутахассислар ушбу янгиликни “Chromebook 2.0” дея баҳолаётган бўлса, айримлар уни Microsoft ва Apple'нинг AI-компьютерларига жиддий рақобатчи сифатида кўрмоқда.
“Zamin”ни Telegram'да ўқинг!
