Ҳиндистоннинг риде-ҳаилинг хизматларини кўрсатувчи Рапидо компанияси ўз фаолиятини кенгайтириш ва рақобатбардошлигини ошириш мақсадида 240 миллион доллар миқдорида янги инвестиция жалб қилди. Ушбу молиявий босқичдан сўнг компаниянинг умумий қиймати 3 миллиард долларга етди. Инвестиция раунди Proсус бошчилигида ўтказилиб, унда ВестБридге Капитал ва Аксел каби мавжуд инвесторлар ҳам иштирок этди. Бу ҳақда Techcrunch.com хабар беради.
Компания жалб қилинган маблағларни юқори ўсиш салоҳиятига эга бозорларда ўз ўрнини мустаҳкамлаш, ҳайдовчилар тармоғини кенгайтириш ҳамда платформа технологияларини такомиллаштиришга йўналтиришни режалаштирмоқда. Рапидо асосчиси Аравинд Санка талаб юқори бўлган, аммо таклиф етарли даражада шаклланмаган ҳудудларга кўпроқ эътибор қаратилишини таъкидлади.
2015-йилда ташкил этилган Рапидо Ҳиндистоннинг 400 дан ортиқ шаҳарларида фаолият юритади. Компания мотоцикллар ва авторикшалар каби арзон ҳамда қулай транспорт турларига урғу бериб, бозор улушини сезиларли даражада оширди. Ҳозирда стартуп кичик шаҳарларга ҳам кириб бормоқда ва ҳатто ўзининг Овнлй шоъба корхонаси орқали озиқ-овқат етказиб бериш соҳасида ҳам ўзини синаб кўрмоқда.
Ушбу инвестиция Ҳиндистон бозорида Uber билан рақобат кучайиб бораётган бир пайтда амалга оширилди. Uber раҳбари Дара Хосровшаҳи яқинда Ҳиндистонга ташриф буюриб, мамлакатдаги инфратузилмани ривожлантириш режаларини эълон қилган эди. Шунга қарамай, Рапидо ўзининг мослашувчан бизнес модели билан Uber ва Ола каби йирик ўйинчиларга жиддий рақобатчи бўлиб қолмоқда.
“Zamin”ни Telegram'да ўқинг!
