Сунъий интеллект соҳасидаги етакчи компаниялардан бири бўлган Anthropic кичик ва ўрта бизнес вакилларига мўлжалланган Claude фор Смалл Бусинесс хизматини ишга туширди. Ушбу янги ечим йирик корпорациялардан фарқли ўлароқ, маҳаллий дўконлар ва кичик хизмат кўрсатиш шохобчалари эҳтиёжларига мослаштирилган. Бу ҳақда Techcrunch.com хабар беради.
Янги функциялар Claude Коворк платформаси орқали тақдим этилади. Фойдаланувчилар бу орқали бухгалтерия ҳисоби, бизнес таҳлили ва реклама кампаниялари учун генератив воситалардан фойдаланишлари мумкин. Шунингдек, тизим ҚуиккБоокс, Канва, Докусигн, ҲубСпот ва ПайПал каби машҳур дастурлар билан интеграция қилинган.
Anthropic маълумотларига кўра, кичик бизнес АҚШ ялпи ички маҳсулотининг 44 фоизини ташкил этса-да, сунъий интеллект технологияларини жорий этишда йирик компаниялардан ортда қолмоқда. Компания ушбу бўшлиқни тўлдириш учун АҚШнинг 10 та шаҳрида бепул ўқув семинарларини ташкил этишни режалаштирмоқда.
Ушбу қадам OpenAI компаниясининг ChatGPT Бусинесс ечимига рақобат сифатида баҳоланмоқда. Бозор таҳлилчилари фикрича, сунъий интеллект платформалари ўртасидаги кураш эндиликда йирик корпорациялардан кичик бизнес сегментига кўчмоқда.
“Zamin”ни Telegram'да ўқинг!
