Elon Muskга тегишли SpaceX компанияси ўз акцияларини биржа савдоларига чиқаришга тайёргарлик кўрмоқда. Reuters агентлиги хабарига кўра, компания Насдақ майдончасини танлаган ва дастлабки режалардан фарқли ўлароқ, жараённи тезлаштирган. Бу ҳақда Ixbt.com хабар беради.
Манбаларга кўра, SpaceX акциялари СПКХ тикер номи остида сотувга чиқади. Компания эмиссия проспектини келгуси чоршанба куни эълон қилиши, акцияларни сотиш эса 11-июндан бошланиши кутилмоқда. Дастлаб бу жараён июн ойи охирига, яни Elon Muskнинг туғилган кунига мўлжалланган эди.
АҚШ Қимматли қоғозлар ва биржалар комиссияси (SEК) ҳужжатларни кутилганидан тезроқ текшириб чиққани сабабли муддатлар қисқартирилди. Бу йилги ИПО бозори учун энг муҳим воқеалардан бири ҳисобланган ушбу қадам, OpenAI ва Anthropic каби сунъий интеллект соҳасидаги гигантлар учун ҳам намуна бўлиши мумкин.
Шу билан бирга, SpaceX корпоратив бошқарувнинг янги сиёсатини қабул қилди. Ушбу ўзгаришлар акциядорлар ҳуқуқларини ҳимоя қилишнинг одатий механизмларини четлаб ўтиб, Elon Muskга компания устидан деярли чексиз назорат ва бошқарув ваколатларини тақдим этади.
“Zamin”ни Telegram'да ўқинг!
