2025 йил 7 ноябр куни Onvo L60 электромобилларининг биринчи партияси Ўзбекистонга етиб келди. Бу ҳақда Electric Vehicles портали хабар берди.
Onvo — Хитойнинг Nio компаниясига тегишли суббренддир. Хитой автомобил ишлаб чиқарувчиси Onvo электромобилларини хориж бозорларига чиқаришни мўлжаллаган бўлиб, Ўзбекистон бу машиналар тақдим этиладиган биринчи давлат бўлади.
Шунингдек, компания Ўзбекистон бозорига ўзининг юқори даражадаги Nio ва янги Firefly брендларини ҳам олиб киришни режалаштирмоқда. Onvo L60 модели бир неча турдаги комплектацияда ишлаб чиқариладиган электромобил-кроссовердир.
Унинг асосий хусусиятлари орасида орқа ёки тўлиқ ғилдиракли бошқарув тизими мавжуд. Машина 60 кВт⋅соатдан 150 кВт⋅соатгача бўлган аккумуляторлар билан жиҳозланган бўлиб, бу унга 555 кмдан 1000 кмгача масофа юриш имкониятини беради.
Onvo L60 дизайни устида аввал Bentley компаниясида ишлаган дизайнер Раул Пирес ишлаган. Ушбу электромобилнинг ишлаб чиқарилиши 2024 йилнинг ёзида бошланди, Хитой бозорида эса куздан сотувга чиқарилди.
Меҳмон гуруҳидаги фойдаланувчилар ушбу мақолага изоҳ қолдира олмайди.
