Таксида юриш нега кун сайин қимматга тушяпти?
Ўзбекистонда такси хизматлари нархи ўтган йилнинг шу даврига нисбатан 12,2 фоизга ошган. 2025-йил ноябр ойида йўл ҳақи октябр ойига нисбатан ўртача 0,5 фоизга, йил бошидан буён эса 7 фоизга қимматлашган. Нархлар ўсишига ёқилғи нархлари, техник хизмат харажатлари, умумий инфляцион босим ва йирик шаҳарларда талабнинг юқорилиги таъсир қилмоқда.
Ўзбекистонда такси хизматлари нархи изчил равишда ошиб бормоқда. Миллий статистика қўмитаси маълумотларига кўра, 2025 йил ноябр ойида таксида йўл ҳақи октябр ойига нисбатан ўртача 0,5 фоизга қимматлашган.
Бу кичик рақамдек кўриниши мумкин, аммо йиллик кесимда манзара анча жиддий. Йил бошидан буён такси хизматлари нархи 7 фоизга ошган. Ўтган йилнинг шу даври билан солиштирилганда эса қимматлашув 12,2 фоизни ташкил этган.
Мутахассислар бундай ўсишни ёқилғи нархлари, техник хизмат харажатлари ва бозордаги умумий инфляцион босим билан изоҳламоқда. Шу билан бирга, йирик шаҳарларда талаб юқори бўлиб қолаётгани ҳам нархларга таъсир қилаётган омиллардан бири ҳисобланади.
Изоҳлар 0
…