Ўзбекистонда улгуржи ва чакана савдо ҳажми ўсишда давом этмоқда. Бу ҳақда Podrobno.uz хабар беради.
Миллий статистика қўмитаси маълумотларига кўра, 2025 йилнинг январ-ноябрь ойларида мамлакатда чакана савдо айланмаси 403 триллион сўмни ташкил этди. Бу ўтган йилнинг шу даврига нисбатан 11 фоизга кўп бўлиб, истеъмолчилар фаоллигининг ошганини кўрсатади.
1 декабр ҳолатига кўра, республикада чакана савдо соҳасида 86 197 та тижорат корхонаси фаолият юритмоқда. Улугуржи савдо сегментида ҳам ижобий ўсиш кузатилди.
Ҳисобот даврида улгуржи савдо айланмаси 443 триллион 4 миллиард сўмга етди, бу ўтган йилга нисбатан 12,8 фоизга кўпдир. Декабр бошида Ўзбекистонда улгуржи савдо соҳасида 51 497 та тижорат ташкилоти фаолият олиб борган.
Шунингдек, 2025 йилнинг январ-ноябрь ойларида Ўзбекистоннинг ташқи савдо айланмаси 72 миллиард доллардан ошгани қайд этилган.
Меҳмон гуруҳидаги фойдаланувчилар ушбу мақолага изоҳ қолдира олмайди.
