Машҳур актриса ва блогер Феруза Норматова Instagram саҳифаси орқали мухлисларидан келган саволларга самимий тарзда жавоб берди. Кузатувчилардан бири: “Қандай қилиб айнан шу инсон турмуш ўртоғингиз бўлиши кераклигини тушундингиз?” деган савол билан мурожаат қилди.
Актрисанинг айтишича, у ҳаётида энг кўп ҳимояга муҳтож бўлган паллада бўлажак турмуш ўртоғининг ҳақиқий муносабатини ҳис қилган:
“Ҳар доимгидан ҳам кўпроқ ҳимояга мухтож бўлган вақтимда турмуш ўртоғим айнан феврал ойида, чет давлатда бўла туриб мени ҳимоя қилганлар. У вақти яқин бўлмаганмиз. Шундан сўнг 6 ой давомида мени кузатиб юрган экан. Сўнг август ойи охирида учрашувга таклиф қилди. Керакли пайтда мени ҳимоя қилгани учун унга ишондим ва дугонам билан бирга учрашувга чиқдим”, — дейди Феруза.
Шунингдек, мухлислар “Шу инсон умр йўлдошим бўлса эди, деган фикр ўтганми?” деган саволни ҳам беришди. Актриса бу саволга қуйидагича жавоб берди:
“Бундай фикр ўтишига ҳам улгурмаганман. Учрашувдан кейин у киши менга уйланмоқчи эканини айтди. Мен учун энг муҳим нарса ота-онамнинг розилиги бўлгани сабабли, келиб атиги тўрт кун ичида отамнинг розилигини олди. Сўнг: 'Энди мени турмуш ўртоғинг деб тасаввур қил. Агар нотўғри хатти-ҳаракат сезсам, мендан яхшилик кутма', дедилар. Ҳаётимда биринчи марта шунчалик сўзида қатъий турадиган эркакни учратганим учун жуда ҳайрон бўлиб қолдим. Узоқ вақт бу воқеаларни англаб юра олмадим”, — дея самимий изоҳ берди у.
Суҳбат якунида Феруза Норматова ижодий фаолияти борасида ҳам муҳим қарорини маълум қилди:
“Энди бошқа вайнларда иштирок этмайман. Ролни фақат турмуш ўртоғим учун ўйнайман”, — деди актриса.
Меҳмон гуруҳидаги фойдаланувчилар ушбу мақолага изоҳ қолдира олмайди.
