Ижтимоий тармоқларда уч нафар чет эллик, тахминан Хитой фуқаролари, Ўзбекистон миллий валютаси бўлган сўм купюрасини ёқиб, сигарет тутатгани акс этган видео тарқалди. Бу ҳақда Podrobno.uz хабар беради.
Видео Хитойнинг WeChat ижтимоий тармоғида "Кичик Се" тахаллусли фойдаланувчи томонидан эълон қилинган. Унда эркаклар купюрани ёқиб, кулишаётганини кўриш мумкин.
Kun.uz хабарига кўра, ушбу шахслар Тошкент вилоятидаги корхоналардан бирида ишлаши мумкин. Ўзбекистон қонунчилигига кўра, миллий валютага нисбатан ҳурматсизликни намойиш этувчи ҳаракатлар ҳуқуқий жавобгарликка олиб келиши мумкин.
Жиноят кодексига биноан, давлат рамзларига, жумладан, пул белгилардаги тасвирларга нисбатан ҳурматсизлик жиноят ҳисобланади. Ушбу модда бўйича катта миқдорда жарима, мажбурий тузатиш ишлари ёки уч йилгача озодликни чеклаш жазоси белгиланган.
Меҳмон гуруҳидаги фойдаланувчилар ушбу мақолага изоҳ қолдира олмайди.
