Машҳур Голливуд актёри Роберт Де Ниро озарбайжонлик тадбиркор ва мусиқачи Эмин Агаларов билан ҳамкорлик қилишни режалаштирмоқда. Эмин Агаларов ўз Instagram саҳифасида Роберт Де Ниро билан биргаликда Nobu Hotel лойиҳасини амалга ошириши ҳақида эълон қилди.
Ушбу лойиҳа Озарбайжондаги Sea Breeze ҳудудида амалга оширилади. Озарбайжонлик тадбиркорнинг сўзларига кўра, у Роберт Де Ниро билан дўстлик алоқаларига эга ва актёр келаси йилда Бокуга ташриф буюриши кутилмоқда.
Эмин Агаларов Ўзбекистонда ҳам катта туристик лойиҳани амалга оширмоқда. Лойиҳага кўра, Чорвоқ сув омбори бўйида жойлашган Sea Breeze ҳудудида пляжлар, меҳмонхоналар, коттежлар, дўконлар, ресторанлар, спорт ва дам олиш масканлари барпо этилиши режалаштирилган.
Ушбу лойиҳа учун тахминан 5 миллиард доллар миқдорида инвестиция киритилмоқда.
Меҳмон гуруҳидаги фойдаланувчилар ушбу мақолага изоҳ қолдира олмайди.
