Украиналик супер оғир вазн тоифасидаги боксчи Александр Усик энди мутлақ жаҳон чемпиони мақомига эга эмас. Спортчи ўз ихтиёри билан WBO камаридан воз кечди.
Бу ҳақда Расман Жаҳон бокс ташкилоти (WBO) хабар берди. WBO баёнотида айтилганича, Усик вазиятни чуқур ўрганиб чиққан ва ушбу камарни қайтариш қарорини қабул қилган.
Ушбу қарорнинг аниқ сабаблари ошкор этилмаган. 37 ёшли Усик ушбу камарни йўқотганига қарамай, WBA, WBC ва IBF йўналишлари бўйича жаҳон чемпионлиги унвонларини сақлаб қолмоқда.
Бу камарлар унга 2024 йилнинг ёзида "Уембли" стадионида ўтган жангда Дэниэл Дюбуа устидан қозонилган ғалабадан сўнг насиб этган эди. Ўша жангдан кейин Усик иккинчи бор мутлақ жаҳон чемпиони бўлганди.
Александр Усик WBO камарини 2021 йилнинг сентябр ойида Лондонда Энтони Жошуа устидан қозонилган ғалабадан сўнг қўлга киритган эди. У уч йил давомида ушбу камарни беш марта муваффақиятли ҳимоя қилган.
2024 йилнинг май ойида эса Усик Тайсон Фьюрини мағлуб этиб, супер оғир вазн тоифасидаги барча асосий чемпионлик камарларини жамлаган эди. Шу йилнинг июн ойида у IBF камаридан ҳам воз кечиб, мажбурий ҳимоядан бош тортган эди.
Формал жиҳатдан у IBF камарининг вақтинчалик соҳиби сифатида қолган, аммо тўлиқ мақомни йўқотган. Энди WBO камаридан ҳам воз кечганидан сўнг, Усик мутлақ чемпион унвонидан айрилди.
WBO маълумотига кўра, Усикка британлик Фабио Уордли билан жанг тайинланган, аммо Усик ташкилот талабини бажаришдан бош тортган. Шу сабабли WBO камар автоматик равишда мағлубиятсиз британлик боксчига ўтган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
Маълумот
Меҳмон гуруҳидаги фойдаланувчилар ушбу мақолага изоҳ қолдира олмайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
