Литва Беларусь билан чегарадаги икки ўтиш пунктини белгиланган муддатдан олдин очишга қарор қилди. Гап Шалчининкай ва Мядининкай ўтиш пункти ҳақида бормоқда.
Ушбу пункти октябр охирида Беларусьдан учиб келган ва Вилнюс аэропорти ишига халақит берган метео-шарлар сабабли ёпилган эди. Дастлаб чекловлар 30-ноябргача давом этиши кутилган эди.
Ички ишлар вазири Владислав Кондратовичнинг сўзларига кўра, вазият ўзгарган ва аввалги чоралар энди зарур эмас. Аммо ҳукумат таъкидламоқда: агар контрабанда шарларига оид муаммо яна пайдо бўлса, чегаралар қайта ёпилиши мумкин.
Бош вазир Инга Ругинене эса метео-шарлар сони сезиларли даражада камайганини ва аэропорт барқарор ишлаётганини қайд этди. Унинг сўзларига кўра, ўтиш пунктининг ишини тиклаш учун бир кун етарли бўлади.
17-ноябрь куни Польша Беларусь билан чегарадаги назорат пунктини қайта очганидан сўнг, Литва Беларусь чегара хизмати билан техник музокаралар ўтказди. Учрашувда контрабанда, миграция ва қўшни мамлакатда тўхтаб қолган литвалик юк машиналари масалалари кўриб чиқилди.
Литва Чегара хизмати раҳбари Рустамас Любаявеснинг айтишича, Беларус ҳамкорликка тайёрлигини билдирган. Литва чегара хизмати контрабанда схемаларини тўхтатишни ва тиқилиб қолган юк машиналарига ўз мамлакатларига қайтиш имконини беришни талаб қилди.
Аввалроқ, Беларусь Литва юк машиналарининг чегарадан ўтишини тўхтатган, бунинг оқибатида мингдан ортиқ автомобил навбатда қолиб кетган эди. Минск эса контрабанда айбловларини рад этиб, бу ишда литваликларнинг ўзлари иштирок этаётганини таъкидлаган.
Беларусь президенти Александр Лукашенко Вилнюснинг ўтиш пунктини ёпиш қарорини "ақлсиз авантюра" ва "ҳатто кичик давлатга ҳам ноўйиқ ҳаракат" деб танқид қилган эди. “Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
Маълумот
Меҳмон гуруҳидаги фойдаланувчилар ушбу мақолага изоҳ қолдира олмайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
