2025-йил 24-ноябр куни Ўзбекистон эркаклар хоккей чемпионати иккинчи ўйини Тошкентнинг "Ҳумо" клуби яна бир ишончли ғалабаси билан якунланди. Жамоа "Ҳумо Арена" мажмуасидаги кичик аренда Бишкекнинг "Алга" клубини қабул қилди ва рақиб дарвозасига 16 та шайба киритиб, ўз дарвозасини "қуруқ" сақлашга муваффақ бўлди.
Бу ғалаба "Ҳумонинг" кучли ўйинини яна бир бор намойиш этди. Ўйин "Ҳумо" жамоасининг фаол ҳужумлари билан бошланди.
Дастлабки дақиқаларда Тимур Тиллақўжаев ҳисобни очди. Орадан кўп ўтмай, Илья Попов имкониятдан фойдаланиб, жамоа ҳисобини икки бараварга кўпайтирди.
Шундан сўнг, Тиллақўжаев яна бир марта рақиб дарвозасини ишғол қилди. Попов эса кетма-кет тўртинчи ва бешинчи голларни урди.
Иккинчи бўлимда ўйин бутунлай меҳмонлар дарвозаси олдига кўчди. Попов олтинчи голни киритди, ундан кейин Салоҳиддин Азимов еттинчи шайбани урди ва Попов ҳисобни саккизтага етказди.
Тиллақўжаев эса тўққизинчи гол билан бўлимни якунлади. Учинчи бўлимда мезбонлар босими давом этди.
Азимов ўнинчи голни урди, Альберт Дадақўжаев эса чиройли "лакрос" усулида ўн биринчи голни киритди. Тиллақўжаев ҳисобни ўн икки голга етказди, Абдулвосиқов эса ўн учинчи шайбани урди.
Камолов узоқ масофадан аниқ зарба билан ҳисобни 14:0 кўринишига олиб келди. Азимов ўн бешинчи голни киритди, сўнгги – ўн олтинчи шайбани Попов рақиб дарвозасига йўллади.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
Маълумот
Меҳмон гуруҳидаги фойдаланувчилар ушбу мақолага изоҳ қолдира олмайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
