2025 йилги "Мисс Коинот" танловида ғолибликни Мексика вакиласи Фатима Бош қўлга киритди, деб хабар бермоқда CNN. Таиландда бўлиб ўтган танловдаги унинг муваффақияти мавсумнинг энг шов-шувли можаро воқеаларидан бири бўлди.
Финал олдидан шоу директори Нават Итсарагризил мексикалик иштирокчини омма олдида ҳақорат қилди. У унга бақириб, тадбирни ташлаб кетишни талаб қилган ва "нодон" деб атаган.
Фатима эса бунга жавобан "ўзимга нисбатан бундай муомала қилишларига йўл қўймайман", деб зални тарк этди. Воқеа катта эътирозга сабаб бўлди.
Кўплаб иштирокчилар Фатимага бирдамлик кўрсатиш мақсадида танловни тарк этди. Кейинчалик Нават Итсарагризил ундан омма олдида узр сўради.
Можарога 1996 йилги "Мисс Коинот" совриндори Алисия Мачадо томонидан айтилган ирқчиликка оид гаплар ҳам қўшилди. У Наватни жамоатчилик олдида камситган эди.
Буларнинг устига, натижалар эълон қилинишидан бир неча кун олдин икки ҳакам танловни тарк этди. Уларнинг бири ташкилотчиларни натижаларни сохталаштиришда айблади.
Меҳмон гуруҳидаги фойдаланувчилар ушбу мақолага изоҳ қолдира олмайди.
