Европа футболида яна тўфон: Эрлинг Холанднинг навбатдаги эҳтимолий саҳифа алмашиши ички ва ташқи прессани титрата бошлади. Ҳозир “Манчестер Сити”нинг асосий тиргак ҳужумчиси сифатида майдонни ларзага солаётган норвегиялик суперфорвард ёзги трансферда ПСЖнинг бош мақсадига айланди. Париж клуби уни қўлга киритиш орқали ҳам молиявий, ҳам спорт нуқтаи назаридан янги давр бошлашни кўзлаяпти.
Ҳоланд ҳозирги пайтда ўзининг энг юқори формасида. Терма жамоа сафида урган 16 голи Норвегияни мундиалга олиб чиқди — бунинг ўзиёқ унинг ҳужумчи сифатида қандай даражада эканини кўрсатади. Унинг клиник финишлари, жисмоний кучига таянилган ҳужум услуби ва ҳеч қачон тўхтамайдиган фаоллиги ПСЖ скаутлари ва мураббийлар штабини яна дарров ўзига қаратиб қўйди.
Париж клуби ҳозирдан тактика ўзагини ўзгартиряпти. Гонсалу Рамуш ва Ли Кан Ин каби ўйинчиларни сотиш орқали шаклланадиган маблағ айнан Холанд трансферига йўналтирилиши айтилмоқда. Чунки Луис Энрике қўллаётган моделда марказий тўпурарнинг роли ҳал қилувчи аҳамиятга эга — ва бу образга энг яхшиси Холанд тушади.
Испаниялик мураббий Эрлингни Дембеле, Кварацхелия, Баркола ва Дуэ каби қанот ҳужумчилари билан уйғун ўйнайдиган, жамоани янада хавфли қиладиган “супер-голеодор” сифатида кўради. Унинг фикрича, бундай таркиб ПСЖни Европадаги ҳар қандай рақиб билан тенг кураша оладиган доминант машинага айлантиради.
Албатта, бундай даражадаги трансфер учун гап кам бўлмайди: тахминлар бўйича келишув 200 миллион евро атрофида баҳоланмоқда. Бу рақам футбол бозорини яна бир бор титратади. Парижликлар Холанд орқали Килиан Мбаппе кетганидан кейин йўқолган медиавийлик ва таъсир кучини қайта тиклашни ҳам мақсад қилган.
Агар ушбу сценарий амалга ошса, 2026 йилги трансфер ойнаси тарихга киради — ва Холанд, эҳтимол, ПСЖнинг янги юзига айланади. Режалар жиддий, парижликлар тайёр, Европа эса интиқлик билан янгилик кутиб турибди.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
