ҚР президентининг ваъдаси: мухолифлар устидан сиёсий қатағонлар бўлмайди

Коррупцияга қарши кураш давлат сиёсатининг асосий устивор йўналишларидан бўлиб қолаверади. Шу билан бирга бу йўналиш ҳеч қачон сиёсийлаштирилмайди. Бу ҳақда парламентда қилган чиқишида президент Сооронбай Жээнбеков баёнот берди, деб маълум қилади Тnews.uz.

Давлат раҳбари коррупцияга қарши кураш кўрнинишида сиёсий мухолифларидан қасд олишга асло йўл қўймаслигини таъкидлади. Жээнбековнинг баёнотига қараганда, халқ давлат хизматлари, бизнес ва жамиятда коррупцияга қарши кураш натижаларини ҳис қилишлари керак.

2017 йилнинг ноябрида президент этиб сайланганидан сўнг Сооронбай Жээнбеков коррупцияга қарши кураш кучайтирилиши ҳақида баёнот берган эди. Сўнги вақтларда Қирғизистонда айрим йирик амалдорлар, жумладан собиқ бош вазир Сапар Исақов, Бишкек собиқ мэри Қубаничбек Кулматов ва парламент депутати Осмонбек Артиқбаев коррупция айби билан ҳибсга олинди.

Йирик амалдорларнинг ҳибсга олиниши амалдаги ва собиқ президентлар — Сооронбай Жээнбеков ва Алмазбек Атамбаев ўртасида кузатилаётган кураш фонида бўлиб ўтмоқда. Ҳибсга олинганларнинг катта қисми собиқ давлат раҳбарига яқин ёки унинг кадри бўлган. Атамбаев ўз мурожаатида очилган жиноий ишларни “асоссиз ва сиёсийлаштирилган” дея атади.

Сиёсатчи ва сиёсатчилар ҳибсга олишлар масаласида турли фикрларни айтишади. Айримлар, ҳибсга олишлар терговларнинг мантиқий давоми эканлигини айтаётган бўлса, бошқалар президент томонидан эълон қилинган коррупцияга қарши кураш сиёсий таъқибларга айланиб кетаётганидан ташвишга тушмоқда.