Англия Премьер-лигасининг тўққизинчи туридан кейин “Манчестер Юнайтед” турнир жадвалида “Ливерпул”дан ўзиб кетди. Бу ҳақда Euro-football.ru хабар берди.
“Манчестер Юнайтед” “Брайтон” устидан ғалаба қозонганидан сўнг 16 очко жамғариб, тўртинчи ўринга кўтарилди. Клуб очколар бўйича “Манчестер Сити” билан тенглашди.
“Ливерпул” эса кетма-кет тўрт мағлубиятдан сўнг олтинчи поғонага тушиб кетди. Жамоа ушбу тур якунига кўра, яна пастга тушиши мумкин.
Маълумотларга кўра, “Ливерпул” сўнгги 4,5 йил ичида илк бор АПЛда кетма-кет тўрт учрашувда ютқазди. Арне Слот жамоаси охирги олти ўйинда барча мусобақаларда беш мағлубиятга учради.
Кейинги, ўнинчи турда “Ливерпул” 1 ноябрь куни ўз майдонида “Астон Вилла”ни қабул қилади. Шу куни “Манчестер Юнайтед” эса сафарда “Ноттингем Форест”га қарши ўйнайди.
