Бугун “Барселона” сафарда Мадриднинг “Реал” жамоасига қарши Ла Лига ўнинчи тур учрашувини ўтказади. “Эль-Классико” баҳси Тошкент вақти билан соат 20:15 да бошланади.
Diario AS нашри тахминига кўра, “Барселона” ҳужумида биринчи дақиқалардан Ферран Торрес ҳаракат қилади.
Чап қанотда Маркус Решфорд, ўнгда Ламин Ямал майдонга тушади. Ҳужум ортида Фермин Лопес тўп суради, марказий ярим ҳимояда Педри ҳамда Френки де Йонг ўйнайди.
Ҳимоя чизиғида Алежандро Балде, Эрик Гарсия, Пау Кубарси ва Жюл Кунде саф тортади. Дарвоза посбони сифатида Войцех Шесни ҳаракат қилади.
Ҳозирда “Барселона” турнир жадвалида иккинчи ўринда бормоқда. Каталонияликлар “Реал”дан икки очкога ортда қолмоқда.
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
