Эрталаб ишга шошилаётган Шодивойнинг кайфияти пастроқ эди. У ойнага қараб, тўзғиган сочларини тартибга келтиряпти. Шу пайт хотини дазмолланган бўйинбоғини олиб келаркан, эри унга қараб, чуқур уф тортди.
Аёл: (хавотир олгандек) Нима бўлди? Бунча уф тортмасангиз?
Эр: (ночор аҳволда секингина) Туғилган кун…
Аёл: Қанақа туғилган кун? Оиламизда бу ойда туғилган киши йўқ-ку…
Эр: Бошлиқники.
Аёл: Тушунарли, совға олиш керак, денг?
Эр: Ҳа…
Аёл: Неча ёшга чиқди?
Эр: Элликка, бу юбилей дегани, совға ҳам думалоққина бўлиши керак. Бир нарса ўйлаб топ, хотинжон.
Аёл: Уйдаги янги чангютгични совға қилинг.
Эр: У ишламайди-ку.
Аёл: Шунча совғанинг ичида чангютгични ишлаш-ишламаслигини текшириб кўрармикан. Балки, у ҳам бошқасига совға қилиб юборар.
Эр: Йуқ, тўғри келмайди, у атайлаб текшириб кўриши мумкин, яна шу баҳона бўлиб ишдан ҳайдаб юбормасин.
Аёл: Топдим, дадаси, қадоғи бузилмаган эркаклар атири бор, французларники, шуни совға қилинг, барибир фойдаланмаяпсиз.
Эр: Ҳиди қадоғидан ҳам чиқиб турибди, қўланса. Сепиб кўрса, балога қоламан.
Аёл: Унда тахи бузилмаган янги кўйлакни беринг.
Эр: Тўғри келмайди-да…
Аёл: Нега тўғри келмас экан? У ҳам чет элники…
Эр: Гавдасини айтяпман, бошлиғимизнинг ҳозирги аҳволини кўрмагансан, бу куйлак унинг қорнига ёпинч бўлолмайди. Мукофот пулидан мосуво бўлмайин яна…
Аёл: Унда анави гулдонни совға қилинг, ҳали янгидек турибди.
Эр: Маъқул бўлармикан?..
Аёл: Совғанинг зўри — гулдон!.. Доим сизни эслатиб туради.
Эр: Тўғри, маладес хотинсан-да! Аммо гулдон тўғри келмайди.
Аёл: Нега?
Эр: Хўжайиннинг хотинини билмайсан-да, жаҳли ёмон, эр-хотиннинг орасидан гап ўтса, шу гулдон билан хўжайиннинг бошини ёриб қўйса-я, йўқ, тўғри келмайди.
Аёл: У десам, ёқмаса, бу десам, ёқмаса, унда ўзингиз топинг. Мени ишдан қолдиряпсиз. Бўлмаса, ана, шкафда турган биллур гулдонни совға қилинг.
Эр: Ўртасидан дарз кетган гулдонни айтяпсанми?
Аёл: Билинар-билинмас ёрилган, билинмайди.
Эр: Йўқ, бўлмайди, сен уни билмайсан, у жуда синчков, меҳмонлар кетганидан кейин лупа билан текшириб кўрса, ҳолимга вой.
Аёл: Шу охиргиси, бошқа сўраманг…
Эр: Нима экан? Айтақол….
Аёл: Беш йилдан бери турган туфлини совға қилинг. Ҳали қутисидан олинмаган.
Эр: Маъқул, ишқилиб, нуқсони йўқми?
Аёл: Пойма-пойлигини айтмаса, бошқа айби йўқ, лекин импортний, оёқда билинмайди…
Эр: Тўхта, хотин, бу… шунча увол — чиқинди нарсалар қаердан йиғилган?
Аёл: Ҳаммаси туғилган кунингизга келган совғалар-ку!
Эр: Ярамаслар! Бунақа совғаларни кимлар олиб келган?
Аёл: Кимлар эмас, ким денг?
Эр: Ким экан у паст?
Аёл: Ким бўларди!?. Ўша бошлиғингиз Норим Тўраевич-да.
Эр: Вой, номард, мен унга совға танлаб ўтирибман-а. Бўлди, хотин, топдим, ўша пойма-пой туфлини совға қиламан.
Аёл: Ўзи совға қилган нарсани ўзига қайтарсангиз, қандоқ бўларкан?
Эр: Зўр бўлади, жа жойига тушади.
Аёл: Яна ишдан бўшатиб юбормасин.
Эр: Бўшатиб юборса ҳам майли, энди билдим, хотинжон, унинг кимлигини…
Умид ИКРОМ
Манба: Hordiq.uz “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рақобат қўмитаси биржада Аи-80 бензини бошланғич нархига чеклов ўрнатди
Блинкен Исроилдан учта муаммони ҳал этишни талаб қилди
НАТО бош котиби Украинанинг фронтдаги аҳволи ёмонлашганини тан олди
Ҳар қандай катта ёшдаги киши етук эмас
Шавкат Мирзиёев: “Фаластинлик болалар ва аёлларни беғараз даволашга тайёрмиз”
Боррел ЕИнинг Исроил билан мулоқотини тўхтатишни таклиф қилди
Эрдўғон Туркия Исроил билан алоқаларини узганини маълум қилди
Қозоғистонда яна 1 млрд доллар ноқонуний активлар давлатга қайтарилди
