NRG-BI компанияси 2025 йил учун асосий лойиҳаларини муваффақиятли якунлаганини ва янги қурилиш лойиҳаларини амалга оширишда давом этишини маълум қилди. Жорий йил давомида компания ўнта турар жой мажмуасининг қурилишини якунлаб, уларнинг калитларини янги эгаларига топширди.
Йил давомида қуйидаги лойиҳаларнинг аҳолига калитлари топширилди. Шунингдек, компания декабр ойининг охирига қадар яна бешта янги лойиҳани фойдаланишга топширишни режалаштирган бўлиб, бу Тошкент шаҳрининг янги қиёфасини шакллантиришда муҳим роль ўйнайди.
2025 йил якунида NRG-BI жами 15 та лойиҳани муваффақиятли якунлаб, барча объектларни ўз вақтида топширган ҳолда фойдаланишга топширади. Ўзбекистон бозорида олти йилдан бери фаолият юритаётган NRG-BI компанияси барқарор ривожланиш суръатларини намойиш этиб, кенг миқёсдаги лойиҳаларни бир вақтда амалга ошириш қобилиятини исботламоқда.
Компания замонавий лойиҳалаш ва қурилиш ёндашувларини жорий этишда давом этмоқда. Энергия самарадорлиги, яхшилангган шовқин изоляцияси, қулай ҳовлилар, кенг автотураргоҳлар ва пухта ўйланган инфратузилма бу ёндашувнинг асосий жиҳатларидир.
Айниқса, хавфсизлик, ободонлаштириш ва оилавий қадриятларни қўллаб-қувватловчи муҳит яратишга алоҳида эътибор қаратилган. "2025 йил компаниямиз тарихидаги энг муваффақиятли йиллардан бири бўлди.
Биз фақат уйлар қурибгина қолмай, балки одамлар яшашни, фарзандлар тарбиялашни ва келажакни қуришни истайдиган муҳитни яратмоқдамиз. Ҳар бир топширилган квартира – бу оиланинг бизга билдирган ишончи бўлиб, биз буни юқори масъулият билан қабул қиламиз.
NRG-BI олдинда янада улкан мақсадларни кўзламоқда ва биз Ўзбекистон кўчмас мулк бозорида янги сифат стандартларини белгилашга ишонамиз", – деди NRG-BI Uzbekistan директори Диас Адилханов. 2025 йил NRG-BI учун барқарор ривожланиш ва мижозлар олдидаги масъулиятни тасдиқлаш даври бўлди.
Йил давомида режалаштирилган барча лойиҳалар ўз вақтида фойдаланишга топширилган бўлиб, бу компаниянинг ўз мажбуриятларини бажариш ва харидорлар кутган талабларни қондириш қобилиятини яна бир бор намоён этди. NRG-BI келгусида ҳар бир янги лойиҳа янада пухта, замонавий ва яшаш учун қулай бўлиши устида ишлашни давом эттиради.
Компания янги йилга мустаҳкам асос ва ўзига хос мақсадлар билан кириб, минглаб оилалар учун кўчмас мулк стандартларини яхшилашга интилади.
Меҳмон гуруҳидаги фойдаланувчилар ушбу мақолага изоҳ қолдира олмайди.
