Юлдуз Усмонованинг тилла тақинчоқларини ўмариб кетишди. Бу ҳақда «Халқ сўзи»га таяниб «Дарё» ёзмоқда. Гап Ғиждувон тумани Гаждумак маҳалла фуқаролар йиғини ҳудудида истиқомат қилувчи Юлдуз Усмонова ҳақида бормоқда. Унинг ҳузурига ўтган йил куз кунларининг бирида икки нотаниш аёл келади.
«Эски палтоларнинг ёқасини, танга, тилла тақинчоқлар сотиб оламиз», — дейишади улар. Юлдузнинг қулоғидаги зирак сўзамол аёлларнинг эътиборини тортади.
— Сингилжон, хоҳласангиз, зирагингизнинг тилла ёки тилла эмаслигини бир зумда аниқлаб берамиз, — дейди уларнинг бири.
Кутилмаган меҳмонларнинг гапларига маҳлиё бўлиб қолган уй бекаси зирагини ечиб, узатади. «Ҳожатбарорлар» уни қандайдир суюқликка ботиришади. Сирға қорайиб қолади. Шу тариқа Юлдуз уларга икки жуфт зираги ва тилла занжирини ҳам чиқариб беради. Суюқликка тушгач, улар ҳам қорамтир тусга киради. Шунда ўзини «Нафиса» деб таништиргани қорайган тақинчоқларни икки соат ичида тозалаб келтириб берамиз, дейди ва ўзининг зирагини Юлдузга гаров тариқасида қолдиради.
Нотаниш меҳмонлар икки тугул беш-олти соатдан кейин ҳам қайтиб келишмади. Ҳе йўқ, бе йўқ, 1 миллион 600 минг сўмлик 2 жуфт зираги ва баҳоси 1 миллион сўмлик тилла занжиридан айрилган уй бекасининг юрагига қил ҳам сиғмай қолди. Ҳаловатини йўқотган аёл ички ишлар бошқармасига мурожаат қилди.
Қидирув ишлари бошлаб юборилди. Фирибгар аёллар қаёққа ҳам қочиб боришарди. Уларни топишди. Соддадил Юлдуз Усмоновани чув туширганлар Фарғона водийсидан бўлган С. Д. ва Х. С.лар экани маълум бўлди. Уларга нисбатан жиноят иши қўзғатилди. Юлдуз-чи, дерсиз. У учун бу бир сабоқ бўлди. Акс ҳолда етти ёт кишиларнинг найрангига учиб, панд еб қолмаган бўларди, дейилади хабарда. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Мария Захарова украиналикларни Америка ҳиндуларига ўхшатди
“Толибон” Афғонистоннинг Хост вилоятида беш нафар фуқарони қамчи билан жазолади
Россия дунёдаги биринчи водород ёқилғили автомобилни тақдим этди
Владимир Путин «Крокус»да содир этилган теракт учун ўч олишга чақирди
Велосипедда сайр қилиш учун 3 сабаб: ёшартиради, оздиради ва умрни узайтиради
Зоир Мирзаев “Телефонсиз мактаб”га 300 млн сўм мукофот берди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Америкалик олимлар барча учун бирдек фойдали жисмоний фаоллик турини аниқлади