Қайси касалликлар энг кўп ўлимга олиб келаётгани маълум бўлди

Бугунги кунда дунё бўйлаб кузатилаётган ўлим ва ногиронлик ҳолатларининг катта қисми юрак-қон томир касалликлари билан боғлиқ.

Мутахассислар таъкидлашича, инфаркт ва инсульт ҳамда уларнинг асоратлари энг асосий сабаблардан бири ҳисобланади. Бу касалликлар кўп ҳолларда бошланиш босқичида сезилмайди.

Айниқса, ортиқча вазн, кам ҳаракатли ҳаёт тарзи ва нотўғри овқатланиш хавфни бир неча баробар оширади. Шунингдек, чекиш ва алкоголь истеъмоли каби зарарли одатлар ҳам салбий таъсир кўрсатади.

Бироқ мутахассислар бу касалликларнинг олдини олиш мумкинлигини таъкидлашмоқда.

Кунлик камида 30 дақиқа жисмоний фаоллик, соғлом овқатланиш ва мунтазам тиббий кўриклар юракни муҳофаза қилишга ёрдам беради.

Соғлиқни сақлаш вазирлиги ҳам аҳолини бу борада огоҳликка чақирмоқда.