Наманганда ноқонуний дорихона фаолияти фош этилди
Наманган вилоятида ноқонуний дорихона фаолияти фош этилди. Бош прокуратура ва ҳуқуқни муҳофаза қилувчи органлар ҳамкорлигида ўтказилган тадбирда фуқаро С.А. давлат рўйхатидан ўтмасдан дорихона очгани аниқланди. Текширув давомида 140,9 миллион сўмлик дори воситалари мусодара қилинди ва жиноят иши қўзғатилди. Ҳозирда тергов ҳаракатлари олиб борилмоқда.
Наманган вилоятида тегишли ҳужжатларсиз фаолият юритган дорихона аниқланди.
Бош прокуратура ҳузуридаги Департаментнинг Норин тумани бўлими ҳамда бошқа ҳуқуқни муҳофаза қилувчи органлар ҳамкорлигида тезкор тадбир ўтказилди. Унда фуқаро С.А. тадбиркор сифатида давлат рўйхатидан ўтмасдан дорихона фаолияти билан шуғуллангани маълум бўлди.
Маълум қилинишича, у “Бўстон” МФЙ ҳудудида жойлашган дорихонада сифатини тасдиқловчи ҳужжатлари бўлмаган дори воситаларини сотган.
Текширув давомида умумий қиймати 140,9 миллион сўм бўлган 1 197 турдаги 29 289 дона дори ва тиббий буюмлар мусодара қилинган. Ушбу маҳсулотлар ашёвий далил сифатида расмийлаштирилган.
Ҳолат юзасидан Жиноят кодексининг 186-3-моддаси асосида жиноят иши қўзғатилган.
Ҳозирда мазкур иш бўйича тергов ҳаракатлари олиб борилмоқда.
Изоҳлар 0
…