Кучли ёмғир оқибати: Тошкентда онкология марказини сув босди
Тошкентдаги Болалар онкология ва гематология маркази кучли ёмғир оқибатида сув босди. Фавқулодда вазиятлар вазирлиги мутасаддилари зудлик билан жойига етиб бориб, вазиятни назоратга олди. Тозалаш ишлари учун махсус техникалар жалб қилинди ва марказ ходимлари ҳам фаол иштирок этди. Олиб борилган чора-тадбирлар натижасида сув босиши тўлиқ бартараф этилди ва марказ фаолияти тикланди.
Тошкент шаҳрида кучли ёғингарчилик оқибатида фавқулодда ҳолат кузатилди. 3 май куни пойтахтнинг Чилонзор туманида жойлашган Болалар онкология ва гематология маркази ҳудудига ёмғир сувлари оқиб кирган.
Фавқулодда вазиятлар вазирлиги маълумотига кўра, ҳодиса ҳақида хабар олингач, мутасаддилар зудлик билан воқеа жойига етиб борган ва вазият тўлиқ назоратга олинган.
Ҳудудда тўпланган сувни бартараф этиш ишларига махсус техникалар жалб қилинган. Шунингдек, марказ ходимлари ҳам тозалаш ишларида фаол иштирок этган.
Расмий маълумотларга кўра, олиб борилган тезкор чора-тадбирлар натижасида соат 21:00 га келиб, сув босиши оқибатлари тўлиқ бартараф этилган.
Айни пайтда марказ фаолияти тикланган бўлиб, мутахассислар бундай ҳолатларнинг олдини олиш бўйича қўшимча чоралар кўриш зарурлигини таъкидламоқда.
Изоҳлар 0
…