Сенатнинг 23-ялпи мажлисида «Тўловлар ва тўлов тизимлари тўғрисида»ги Қонун сенаторлар томонидан маъқулланди.
Мазкур қонун 12 боб, 63та моддадан иборат бўлиб, тўлов бозорида ягона давлат сиёсатини амалга ошириш, тўлов бозори иштирокчиларининг ҳуқуқ ва мажбуриятларини белгилашни мақсад қилади.
Қонунда белгиланишича, тўлов тизими – унинг оператори, иштирокчилари ва тўлов ташкилотларининг белгиланган тартиб-таомилларни, инфратузилмани ва қоидаларни қўллаш воситасида ҳамкорлик қилиш йўли билан тўловларни амалга оширишни таъминлайдиган муносабатлари мажмуидир.
Мазкур қонунда тўлов тизими қоидаларига ушбу тизим иштирокчиларининг бошқа тўлов тизимларида иштирок этишини чекловчи шартларни киритиш тақиқланиши ҳам назарда тутилган бўлиб, тизимнинг қоидаларига ўзгартиш ва қўшимчалар киритилган ҳолларда, уларни қўллаш тартиблари ҳам белгиланган.
Марказий банк раиси ўринбосари Илҳомжон Абдуғаффоровнинг қайд этишича, тўлов тизими оператори лицензия олган ҳолда тизим қоидаларини ўзи белгилайди. Тўлов тизими инфратузилмасининг ишлашини таъминлайди. Тизимда юзага келиши мумкин бўлган хатарлар, рискларни бошқаришга тўлов тизими иштирокчиси бўлган банклар, тизим оператори масъул ҳисобланади.
Марказий банк раиси ўринбосари Ботир Зоҳидов мазкур қонунга асосан электрон пулларнинг муомалага чиқарилишининг афзалликлари хусусида маълумот берди.
«Электрон пуллар Ўзбекистон учун янгилик ҳисобланади. Электрон тўловнинг жорий этилиши рақамли иқтисодиётнинг ривожланишига олиб келади, онлайн бозорнинг оммабоплигини оширади. Анъанавий пулларга қараганда электрон пулларда транзакцион харажатлари паст, улар тезкор ишлайди. Электрон пулларнинг назорат механизми Марказий банк томонидан амалга оширилади», - деди Ботир Зоҳидов.
Марказий банк раиси ўринбосарининг қайд этишича, электрон пуллар билан амалиёт бажаришда уларни бир базавий ҳисоблаш миқдори - 220 минг сўмгача идентификация қилмаслик мумкин, ундан ортиқ бўлган сумма эса идентификацияни талаб қилади. Шунингдек, битта электрон қурилма орқали беш базавий ҳисоблаш миқдоригача операция амалга оширилиши мумкин. Битта операциянинг белгиланган энг кўп миқдори эса 22 млн сўмни ташкил этади. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ортиқча вазнли инсонлар учун соғлом овқатланишнинг бешта муҳим қоидаси
Сариқми ёки яшил: қайси турдаги банан фойдалироқ?
Германияда мактаб ўқувчилари оммавий равишда ислом динини қабул қилмоқда
Лукашенко Ғарбга таҳдид билан чиқди
АҚШнинг Ғазодаги сиёсатидан норози Давлат департаменти расмийси истеъфога чиқди
Қайси кундалик одатлар иммунитет пасайишига олиб келишини биласизми?
Тошкентда 02 кодли авторақамлар тахминан қачон пайдо бўлиши айтилди
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
