Жиззахда ИИБ ходими бедарак йўқолди, тергов очилди

Жиззахда ИИБнинг ППХ ва ЖТСБ бўлими ходими Мамаюсуф Раҳматуллаевнинг ғойиб бўлиб қолгани аҳоли ва ижтимоий тармоқларда катта шов-шувга сабаб бўлди.

Расмий маълумотга кўра, Раҳматуллаев 27 октябрь куни эрталаб ишга кетганидан сўнг уйига қайтмаган. Қидирув ишларига қарамаси, унинг қаерда экани ҳозирча мутлақ номаълум. Ҳуқуқ-тартибот органлари ходимнинг йўналишлари, яқинлари ва эҳтимолий боғлиқ шахслар билан боғлиқ барча маълумотларни ўрганиб чиқмоқда.

Шу билан бирга, мазкур ходимга нисбатан Зафаробод тумани прокуратураси томонидан 2025 йил 19 ноябр куни Жиноят кодексининг 168-моддаси — фирибгарлик билан боғлиқ модда бўйича жиноят иши қўзғатилгани маълум қилинди.

Ҳозирча у ҳамон топилмаган. Тергов ва қидирув ишлари давом этмоқда.