Балалардағы майтабандық (плоскостопие) — жиі кездесетін ортопедиялық жағдайлардың бірі. Бұл патология табан күмбезінің тегістелуімен сипатталады және уақыт өте келе жүру кезінде ауырсыну немесе ыңғайсыздық тудыруы мүмкін. Оның пайда болуына бірқатар факторлар себеп болады.
1. Аяқ киімді дұрыс таңдамау
Балалардың тым қатты, өте жұмсақ немесе өлшемі сәйкес келмейтін аяқ киім киюі майтабандықтың дамуына түрткі болуы мүмкін. Әсіресе, табаны мүлдем демеу жасамайтын аяқ киімдер қауіпті саналады.
2. Қимыл-қозғалыстың аздығы
Физикалық белсенділік жеткіліксіз болғанда аяқ бұлшықеттері әлсірейді. Бұл табан құрылымына кері әсерін тигізіп, майтабандыққа әкелуі мүмкін.
3. Тұқымқуалаушылық және дене бітімі факторлары
Кейбір балаларда майтабандық генетикалық ерекшелік ретінде байқалады. Сондай-ақ, салмақтың тез қосылуы да табанға түсетін қысымды арттырып, бұл жағдайды ушықтыруы мүмкін.
