Түркияның Кападокия әуежайында жүргізілген операция барысында қамыр және ет тартқыштардың ішіне жасырып қойылған 61 келі 121 грамм алтын табылды деп, Uz24.uz хабарлады. Оқиғаға қатысы бар алты адам қамауға алынып, олардың бесеуі өзбекстандық екені белгілі болды.
Полицияның контрабанда және ұйымдасқан қылмысқа қарсы күрес бөлімінің қызметкерлері түскен ақпарат негізінде әуежайда тексеру жүргізген. Ұшақ арқылы келген 6 адамның чемодандары сканер арқылы қаралған және қамыр мен ет тартқыштар күдікті деп танылған.
Құрылғылардан 24 караттық 61 келі 121 грамм алтын анықталған. Алтынның нарықтық құны шамамен 350 миллион түрік лирасы (яғни 11 миллион доллар немесе 1,37 триллион сом) деп бағалануда.
Қазіргі уақытта контрабанда жолымен әкелінген алтын тәркіленіп, 6 күдікті полициядағы сұраудан кейін сот ғимаратына жіберілген. Түркия құқық қорғау органдары оқиғаға байланысты қылмыстық іс қозғаған.
“Zamin”-ді Telegram-нан оқыңыз!
