«Әл-Иттихад» Бенземамен келісімшартты ұзартқысы келеді

Сауд Арабиясының «Әл-Иттихад» клубы шабуылшы Карим Бенземаны командада қалдыруды көздейді. Бұл туралы euro-football.ru хабар береді.

Инсайдер Николо Скираның мәліметінше, клуб француз футболшысына 2028 жылға дейінгі жаңа келісім ұсынған. Тараптар әзірге келісімге келу үшін келіссөздерді жалғастырып жатыр.

Бензема 2023 жылы Мадридтің «Реал» клубынан «Әл-Иттихад» сапына еркін агент ретінде ауысқан еді. Оның қолданыстағы келісімшарты 2026 жылдың 30 маусымына дейін күшінде. Ағымдағы маусымда француз футболшысы барлық турнирде 17 матчқа қатысып, 15 гол соқты.