Asus ROG Equalizer кабелі Nvidia RTX 5090-дағы қызып кету мәселесін шешпеді

Блогер және энтузиаст Der8auer қуатты видеокарталарды қызып кетуден қорғайтын ROG Equalizer 12V-2x6 кабелін сынақтан өткізді. Нәтижесінде құрылғы өзінің негізгі міндетін орындай алмайтыны анықталды.

Бұл туралы Ixbt.com хабарлайды.

WireView Pro II және RTX 5090 видеокартасының көмегімен жүргізілген өлшеулер токтың контактілер бойынша біркелкі таралмағанын көрсетті. Кейбір жағдайларда ең көп және ең аз жүктелген контактілер арасындағы айырмашылық 4 амперге жеткен.

Der8auer пікірінше, мәселе кабельдің құрылымында жатыр. Таралуға көмектесуі тиіс ішкі өткізгіш тізбекке артық кедергі қосқан.

Блогер оны алып тастағаннан кейін ток таралуы жақсарған.

Сондай-ақ, маман кабельдің қаттыланып кеткенін және оны орналастыру қиындағанын атап өтті. Алтын жалатылған контактілер де күмән тудырды, өйткені стандартты қалайы контактілер GPU қосқыштарымен жақсырақ үйлеседі.

[media=https://cdn.embedly.com/widgets/media.html?src=https%3A%2F%2Fwww.youtube.com%2Fembed%2FPJrazRm6I9o%3Ffeature%3Doembed&display_name=YouTube&url=https%3A%2F%2Fwww.youtube.com%2Fwatch%3Fv%3DPJrazRm6I9o&image=https%3A%2F%2Fi.ytimg.com%2Fvi%2FPJrazRm6I9o%2Fhqdefault.jpg&type=text%2Fhtml&schema=youtube]