Калифорния сотының алқабилері Илон Масктың OpenAI негізін қалаушылар Сэм Альтман мен Грег Брокманға және Microsoft компаниясына қарсы талап-арызын қабылдамады. Алқабилер бірауыздан Масктың сотқа жүгіну мерзімін өткізіп алғанын атап өтті. Бұл туралы Techcrunch.com хабарлайды .
Илон Маск OpenAI компаниясын коммерциялық емес ұйым мәртебесін теріс пайдаланды және пайда табуға бағытталған құрылымға айналдырды деп айыптаған болатын. Алайда сот процесі барысында талапкер келтірген дәлелдер мен құқықтық негіздер алқабилерді сендіре алмады.
Судья Ивонн Гонсалес Роджерс алқабилердің шешімін қолдап, талап-арызды қабылдамау үшін жеткілікті негіздер бар екенін мәлімдеді. Бұл шешім OpenAI компаниясының IPO процесі алдында туындауы мүмкін күрделі тәуекелдерді жойды.
Сот аяқталғаннан кейін Илон Масктың адвокаты Марк Тоберофф бұл шешімге қарсы апелляциялық шағым түсірілетінін хабарлады. Бұл дау Silicon Valley тарихындағы ең шулы сот процестерінің біріне айналды.
“Zamin”-ді Telegram-нан оқыңыз!
